ينسايدەرلەردىڭ حابارلاۋىنشا, iPhone 7 سمارتفونى 16 قىركۇيەكتەن باستاپ ساتىلىمعا ءتۇسپەك. Apple كومپانياسى سمارتفوننىڭ قاراپايىم نۇسقاسىمەن قاتار, iPhone 7 Plus جانە iPhone 7 Pro دەپ اتالاتىن ءساندى ءھام تەحنيكالىق تۇرعىدا كۇردەلىرەك نۇسقالارىن دا سول كۇنى سورەگە شىعارۋدى جوسپارلاپ وتىرعان كورىنەدى.
بۇعان دەيىن الەۋمەتتىك جەلىلەردە جاڭا ءونىمنىڭ فوتوسۋرەتتەرى جاريالانعان بولاتىن. فوتوسۋرەتكە قاراعاندا, ونىڭ سىرتقى ءپىشىنى وسىنىڭ الدىنداعى نۇسقادان ونشالىقتى ەرەكشەلەنبەيدى. كوزگە تۇسەتىن باستى ەرەكشەلىگى – قۇلاققاپ تىعاتىن ۇياشىقتىڭ ورنى اۋىسقانى عانا.
جۋرناليستەردىڭ پايىمداۋىنشا, Apple ەكى جىل سايىن iPhone-نىڭ ديزاينىن وزگەرتىپ تۇراتىن پرينتسيپىنەن بۇل جولى باس تارتقان بولۋى مۇمكىن. ياعني, جاڭا ديزايندى iPhone كۇتىپ جۇرگەندەرگە 2017 جىلدىڭ جازىنا دەيىن توزە تۇرۋعا تۋرا كەلەدى دەگەن ءسوز.
ارنۇر اسقاروۆ,
«ەگەمەن قازاقستان»